Абыдэ Хьисэ (сурэтым сэмэгумкIэ ит) – Адыгэкъалэ и «Адыгэ Хасэ» зы купырэ итхьэмэтагъ – КIырмыт Мугдинэу Шъачэ иIэшъхьэтэт игуадзэщтыгъэу, джы зиIоф хьыкумэм зэхифынэу ригъажьэрэм facebook-ым къыщыфэгущыIэ.
КъызэриIорэмкIэ, хьыкумэм изэхэсыгъо гъэтхапэм и 12-м щыIэщт, къыIуатэхэри ащ ипэгъокI фэдэх. Джы зэрагъэмысэрэр, еIо Абыдэм, къэхъущт тхьамыкIагъор здишIэжьызэ, цIыфхэр е мылъкур зэрэхэкIодэщтыр къыгурыIозэ, Iофыр лъигъэкIуатэщтыгъэу ары, ау зэгор нэмыIэми, КIырмыт ыпкъ къикIыкIэ хэкIодагъэу щыIэп.
Джащ пае, зэрэшIошIырэмкIэ, амал инхэр зиIэ горэм ахъщэшхо ыти КIырмытыр, лажьэ темылъэу, хьапсым илъэс Iэпэ-цыпэ хъугъэу чIэс.
Мы Iофым бэ къылъыыплъэрэр, ар къызхэкIырэр КIырмытым гъэхъэгъабэ, ныбджэгъубэ тэдыкIи щыриI, еIо Абыдэм. ЦIыфхэри бырсыр къаIэтыным IукIагъэх. ЕтIани, ащ иеплъыкIэкIэ, КIырмытым фэдэу лъагэу дэкIоегъэ цIыфхэм яIоф аIо хъумэ, Путиныр ащ хаплъэ хабзэ. Джащ пае бащэрэ пымылъыхэу имылажьэр зэкIахьажьымэ нахь тэрэз, еIо Абыдэм.
Natpress