Тыгъэгъазэм и 1-м Адыгэ Къалэ дэт шхапIэу «Жемчужина» зыцIэм кIэлэцIкIумэ яIазэщтыгъэ врачэу Бэрэтэрэ Муратэ илъэс Iанэ щыфашIыгъ. Ау цIыфхэр зэрагъэшхагъэм «илъэс IанэкIэ еджагъэхэп, урысыбзэкIэ «День памяти Мурата Беретаря» цIэ фашIыгъ.
«Мыщ фэдэ Iофыхэм яхьылIагъэ фэIо-фашIэхэу ашIэхэрэм атекIыщт тэ непэ тызфызэрэугъоигъэр, – ыIуагъ Iанэр джыри къызэIумыхыгъэу щымыIэжьым ыш нахьыжъэу Бэрэтэрэ Сэфэр. – Ау мы IанэмкIэ Муратэ иныбджэгъухэм, Iоф дэзышIагъэхэм, иIахьлъхэм, иблагъэхэм ялъэIу тэгъэцакIэ».
Бэрэтэрэ Муратэ гъэхъагъэу ышIыгъэхэр къыгъэлъагъохэу, сымэджэ дэйхэу лIэпэпIэ чIыпIэ ифэгъагъэхэу, ау зыгъашIэ пигъэкIэжьыгъэхэм ягугъ къышIэу, ицIыкIугъэм щегъэжьагъэу зыфэдагъэр къыриIотыкIэу Iанэм къеблэгъагъэхэм фильм къафагъэлъэгъуагъ.
Ефэнд щыIагъэп. Дыуахыр зышIыгъэр Муратэ ышымэ ащыщэу ЩэшIэ Рэщыд.
Тэри, хэлэжьагъэхэмкIэ, Муратэ тыфэлъэIуагъ ыкIи тызфэлъэIожьыгъ: «Тхьам псэпагъэу мы Iанэм къыпыкIырэр Муратэ нерэгъэс, Тхьам псауныгъэ къарет къекIолIагъэмэ!» – тIуагъэ.
Натпресс, ЩэшIэ Аслъан.