Адыгэ лъэпкъым икIэщэкIошхоу Шъэбырыкъо Мунир идунае ыхъожьыгъ. Ар илъэс пчъагъэрэ Иорданием ипарламент сенаторэу щылэжьагъ.
Адыгэхэу Иорданием исхэмэ яшIоигъо-яфитныгъэ Iофыгъохэр ыгу етыгъэу къэралыгъо унашъохэр зыщаштэхэрэ Хашимит пэчъыхьэм ипарламенты къыщиIэтыщтыгъэ, щаригъаштэщтыгъэ. Иорданием ит Адыгэ (Черкес) шIушIэ-псэпэшIэ купы, ыкIи Дунэе Адыгэ Хасэм (МЧА) чанэу щылажьэщтыгъэ.
Мунир мызэу-мытIоу ятэжъхэм ячIыгоу – Адыгэ Хэкум ихьэкIагъ. Къэралыгъо мэхьанэ зиIэ фэIо-фашIэу щыIэгъабэми ахэлэжьагъ. Хэхэсы хъугъэ тилъэпкъэгъухэмрэ хэкужъым щыпсэухэрэмрэ нахь зэфэщагъэхэу, зэпэблагъэ хъуным пае Мунир Iоф макIэп ыпшъэ ифагъэр.
Тыгу лъэшэу къеоу Шъэбырыкъо Мунир игупсэхэм, иблагъэхэм тафэтхьаусыхэ.
Тхьэм джэнэт къырет.
Адыгэ Хасэ, facebook