Натпресс
Адыгэ проблемэм ехьылIагъэу Иорданием конференциеу ЖъоныгъуакIэм (Маим) и 11-13 щырекIокIынэу гъэпсыгъагъэр пэмыкI уахътэ ахьыгъ.
«Кавказым (Iодышъэм) ис Адыгэхэм я ныбджэгъу Хасэ» ихэсашъхьэ хэтэу Хьамзэкъо Мухьамэд Натпрессым къызэрэриIуагъэмкIэ конференцием иохътэ лъыгъэкIотэнкIэ унашъор изыхъухьагъэр ежь Хасэр ары.
«А уахътэр джыри гъэнэфагъэп, - ыIуагъ ащ, - ау ар хасэм зэригъэнэфагъэм лъыпытэу къэбар къэдгъэIущт».
Хьамзэкъом къызэриIуагъэмкIэ, джыдэдэм ЖъоныгъуакIэм и 21 шъыгъо-шIэжь мафэу Иорданием къыщекIокIыщтым хасэр зыфеухьазыры. Ащ ныбджэгъу хасэм имызакъоу Иорданием ит Адыгэ Хасэ пстэури хэлэжьэщт.