Олимпиадэм ыпэкIэ шапсыгъэмэ язэфэсэу Шъачэ щырекIокIыщтыр зэпстэу адыгэмэ язэфэсэу къикIын ылъэкIыщт. Ащ тетэу елъытэ «Адыгэ Хэсэ» (Тэхътэмыкъуай) тхьэматэу ШъэопцIэкъо Ильясэ. «Джыдэдэм зэфэсым зышI-зымышIи – бэ тегущыIэрэр. Ар зэпхыгъэр, непэ шапсыгъэхэр «черкес IофымкIэ» гупчэм итэу мэхъух», - иеплъыкIэ къыреIотыкIы ШъэопцIэкъом.
«Непэ шапсыгъэмэ япшъэрылъ хъурэр, - еIо ащ, - зэпстэу адыгэмэ – Урысыем щыпсэухэрэмэ ямызакъоу – ягухэлъхэм тетэу псэунхэу ары. Джащ пае ахэмэ пащэ афэхъущтыр зыфэдэщтым мэхьанэшхо иIэ мэхъу. ЗэрэсшIэрэмкIэ, IэкIыбым къикIыхэу тилъэпкъэгъухэу пчъагъ мы зэфэсым къэкIощтыр. Сэ сиеплъыкIэкIэ, зэфэсэу тапэ илъэр уасэу иIэмкIэ зэпстэоу адыгэмэ язэфэсэу къикIын ылъэкIыщт».
Шъугу къэтэгъэкIыжьы, хыIушъо шапсыгъэмэ я Хасэ изэфэс мэлылъфэгъум и 30-м Шъачэ хахьэу къэлэпапкIэу Лазоревскэ щырагъэкIокIынэу рахъухьагъ. Iофыгъоу щызэшIуахын агу хэлымэ ащыщых: тхьэматэм изэблэхъуныр, Краснодар краимкIэ шапсыгъэмэ ястатус, Шъачэ щыкIощт Олимпиадэм изэикI еплъыкIэр.
Natpress