ГъэтхакIэм и 21-м тыдэ щыпсэурэ адыги и Шъыгъо-ШIэжь мэфагъ. Адыгэм итарихъ къыхэнэгъэ Урыс заор заухыгъэр илъэси 147-рэ зэрэхъурэм фэгъэхьыгъэ зэхахьэ шъхьаIэр республикэм и Къэралъыгъэ филармоние щыкIуагъ. Ащ хэлэжьагъэх хабзэм иIофышIэхэр, къалэхэм ыкIи районхэм къарыкIыгъэхэр, цIыф зэхэщэгъэ купхэм, еджагъэхэм ялIыкIохэр, нахьыжъхэр, ныбжьыкIэхэр, хымэ хэгъэгухэм къарыкIыгъэ адыгэхэр.
Шъыгъо-ШIэжь мафэм къыщыгущыIагъэх Адыгэ Республикэм ипремьер-министрэу КъумпIыл Мурат, республикэ «Адыгэ Хасэм» итхьаматэу Хьэпэе Арамбый, къеты ащ фэгъахьыгъэу Адыгэ Радиом.
Лъэпкъ театрэмрэ искусствэм иIофышIэхэмрэ къагъэхьазырыгъэ къэгъэлъэгъоным шъыгъо зэхахьэр лъигъэкIотагъ. Лъэпкъым игухэкI къизыIотыкIырэ орэдхэр, пщыналъэхэр, спектакльхэм къахэхыгъэ пычыгъохэр ащ хэтыгъэх.
Нэужым Нэгъэплъэ Аскэрбый ифильмыкIэу «Черкесия. Чужбина» зыфиIорэм зэIукIагъэхэр зэдеплъыгъэх.
natpress