Адыгеим и «Зэкъошныгъэр» Бразилием «ихэшыпыкIыгъэ» футболистмэ адешIэщт »

Бэдзэогъум и 27-м мыекъопэ «Зэкъошныгъэм» Бразилием ифутбол командэ ныбджэгъу ешIэгъу дыриIэщт. ЗэIукIэгъур стадионэу Юностым» щыкIощт.

Адыгеим и «Зэкъошныгъэр» Бразилием «ихэшыпыкIыгъэ» футболистмэ адешIэщт

«Зэкъошныгъэм» итренер шъхьаIэу Кобл Анзор къызэрэтиIуагъэу, ныбджэгъу ешIэгъум тифутболистхэу командэм къыхэнагъэхэр, «Зэкъошныгъэм» къырагъэблэгъагъэхэу аштэ ашIоигъохэр хэлэжьэщтых. Футболым ныбжьыкIэхэр пыщэгъэнхэм, физкультурэмрэ спортымрэ пIуныгъэ мэхьанэу яIэм зыкъегъэIэтыгъэным афэгъэхьыгъэ ныбджэгъу зэIукIэгъур гъэшIэгъон хъущтэу зэхэщакIохэр мэгугъэх.

Бразилием «икомандэ» хахьэхэрэр нахьыпэм якъэралыгъокIэ лигэ шъхьаIэм щешIагъэх. Охътэ зэфэшъхьафым Урысыем къэкIуагъэхэу джы ащ премьер лигэ хэт клубхэм ащешIэх.

2010-рэ илъэсым Бразилием ифутболист цIэрыIохэр Адыгеим къызэкIохэм, ныбджэгъу ешIэгъоу Мыекъуапэ щызэхащэгъагъэр дэгъоу тыгу къэкIыжьы. ХьакIэхэр тиныбжьыкIэхэм, спортыр зышIогъэшIэгъонхэм гущыIэгъу къафэхъугъагъэх, зэготхэу сурэтхэр атырахыгъагъэх. Бэдзэогъум и 27-м ешIэгъоу тикъалэ щыкIощтым ыпкIэ лъамытэу футболыр зикIасэхэр еплъынхэ алъэкIыщт.

Шъукъеблагъэх стадионэу «Юностым», шъуеплъ Бразилием ифутболистхэр гъэшIэгъонэу зэрешIэщтхэм! ЗэIукIэр сыхьатыр

18-м аублэщт, футболым ехьылIэгъэ къэбархэр зэхэщакIомэ къаIотэщтых.

Гэзетэу «Адыгэ макъэмрэ» Адыгэ Радиомрэ якъэбармэ атехыгъ. Сурэтхэр тезыхыгъэр ЕмтIылъ Нурбый

natpress

(голосов: 0)

Опубликовал administrator, 27-07-2011, 16:00. Просмотров: 1469

Другие новости по теме:

– Натхъо Бибарс «Рубин» щешIэщт
– Израиль щыщ иадыгэмэ яфутбол ешIэкIо купыр Адыгеим шыIагъ
– «Зэкъошныгъэрэ» «Славянскэрэ» футбол зэдешIагъэх, пчъагъэр 1:1
– Урысыем и Къыблэ шъолъыр дзюдомкIэ изэнэкъокъу Мыекъуапэ и 29-31-м щызэхащэ
– Адыгеим идзюдо бэнакIохэм медаль къамыхьэу къагъэзэжьырэп