Пщынаоу, орэдыIоу Дзыбэ Мыхьамэт итворчествэ шIу зылъэгъурэмэ апае зичэзыу концертыкIэ ыгъэхьазырыгъ. Непэрэ нэущырэ Адыгэ республикэм икъэралыгъо филармоние ар къыщитыщт.

Дзыбэ Мыхьамэт цIыфхэр зэдэIунэу анахь якIасэ орэдыIомэ ащыщ. Ащ иконцертхэр сыдигъуи мэфэкI шъыпкъэ мэхъу. Мыхьамэт гъорекIо бжыхьэм апэрэу концерт шъхьаф зэхищэгъагъ. Ащ еплъы зышIоигъохэр зэрэбедэдагъэм елъытыгъоу, цIыфыбэмэ ялъэIукIэ зэкIэлъыкIоу концерти 4 къытыгъагъ. Зыфэдэ къэмыхъугъэ хъугъэ-шIагъэу адыгэ искусствэм итарихъ ар хэхьагъ.

Дзыбэм итворчествэ лъытэныгъэ фэзышIыхэрэр непэрэ мафэм илъэс псаум ежагъэх. ОрэдыIоми гъорекIо зэригъэIугъагъэхэу, кIасэ ымышIэу, концертыкIэ афигъэхьазырыгъ.

Мыхьамэт ипчыхьэзэхахьэхэм язэхэщакIоу ЛIыбзыу Аслъан игъусэу аужырэ гъэхьазырыныгъэхэр джырэкIэ яIэх. Мы аужырэ мафэхэм программэм хэхьащт орэдыкIэхэм адэлэжьагъэх.

Мыхьамэт иорэд анахь цIэрыIохэр ышхэр игъусэу ижъырэ мэкъамэхэу адыгэ пщынэм къыригъаIохэрэр концертым щыIущтых. ТыритхэгъакIэу IофшIэгъабэхэм лъэтегъэуцо щыряIэщт. Ащ нэмыкIэу цIыфыбэмэ якIасэ хъугъэ орэдхэу теплъакIэ зыритыжьыгъэхэри къыгъэлъэгъощтых.

Адыгэ радиом къытыгъэ къэбар

natpress